പരിശുദ്ധ ദൈവമാതാവ് പ്രത്യക്ഷപ്പെട്ട് സ്ഥാന നിർണ്ണയം നടത്തിയ ദൈവാലയം, പതിമൂന്ന് നൂറ്റാണ്ട് കാലം സഭയ്ക്ക് നേതൃത്വം നൽകിയ അർക്കദിയാക്കോന്മാരുടെ തറവാടും ഭരണകേന്ദ്രവും, പ്രഥമ തദ്ദേശീയ മെത്രാൻ പറമ്പിൽ ചാണ്ടി മെത്രാൻ ആസ്ഥാനം, പൊന്തിഫിക്കൽ അധികാരങ്ങളോടുകൂടിയ വികാരി ജനറാൾ നിധീരിക്കൽ മാണിക്കത്തനാർ ജനിച്ചതും വികാരിയായിരുന്നതുമായ ഇടവക, സഭാതനയരിൽ പ്രമുഖനും 477 വർഷമായി മുടങ്ങാതെ ശ്രാദ്ധം നടത്തപ്പെടുകയും ചെയ്യുന്ന പുണ്യശ്ലോകൻ പനങ്കുഴയ്ക്കൽ വല്യച്ചൻ്റെ ജന്മനാട്, സീറോ മലബാർ സഭയിലെ മേജർ ആർക്ക് എപ്പിസ്കോപ്പൽ ആർച്ച് ഡീക്കൻ ദൈവാലയം എന്നീ സവിശേഷതകളാൽ കുറവിലങ്ങാടും കുറവിലങ്ങാട് പള്ളിയും ഇന്ന് ഇൻഡ്യയിലെ അറിയപ്പെടുന്ന ഒരു പ്രമുഖ തീർത്ഥാടന കേന്ദ്രമായി മാറിയിരിക്കുന്നു. “മാർത്തോമ്മാ നസ്രാണിമക്കളുടെ ജറുസലേം’ എന്നാണ് കുറവിലങ്ങാടിനെപ്പറ്റി പറയപ്പെടുന്നത്.

കുറവിലങ്ങാട് പള്ളിയിലെ ഏറ്റവും പ്രധാന പെരുന്നാളായ മൂന്നു നോമ്പ് പെരുന്നാളിനോടനുബന്ധിച്ച് നടത്തിപ്പോരുന്ന കപ്പൽ പ്രദക്ഷിണം ലോകപ്രസിദ്ധമാണ്. ദൈവത്തിന്റെ വാക്ക് ധിക്കരിച്ചുള്ള യോനാ പ്രവാചകൻ്റെ കപ്പൽ യാത്രയും, കടൽക്ഷോഭവും തുടർന്ന് യോനായെ കടലിൽ എറിയുന്നതും കടൽ ശാന്തമാകുന്നതുമാണ് കപ്പൽ പ്രദക്ഷിണത്തിൽ ദൃശ്യവൽക്കരിക്കുന്നത്. കടലിലെറിയപ്പെട്ട യോനാനെ ഒരു തിമിംഗലം വിഴുങ്ങുകയും മൂന്നു രാവും മൂന്നു പകലും അദ്ദേഹം മത്സ്യത്തിൻ്റെ ഉദരത്തിൽ കിടന്ന് അനുതാപപൂർവ്വം പ്രാർത്ഥിക്കുകയും അടുത്ത ദിവസം ദൈവഹിതംപോലെ യോനായെ കടൽക്കരയിൽ ഛർദ്ദിക്കുകയും ചെയ്തു. യോനാൻ്റെ ആ മൂന്നു ദിവസത്തെ നോമ്പിന്റെയും, അനുതാപത്തിന്റെയും, പ്രാർത്ഥനയുടെയും ഓർമ്മ ആചരിക്കലാണ് മൂന്നു നോമ്പു തിരുന്നാൾ. വലിയ നോമ്പിന് 18 ദിവസം മുമ്പുള്ള തിങ്കൾ, ചൊവ്വ, ബുധൻ ദിവസങ്ങളിലാണ് മൂന്നു നോമ്പ് തിരുന്നാൾ. പണ്ടുകാലത്ത് ദൂരെ സ്ഥലങ്ങളിൽനിന്നും വരുന്നവർ മൂന്നു ദിവസം കുടിൽ കെട്ടി ദൈവാലയത്തിനു ചുറ്റും താമസിച്ച് തിരുന്നാളിലും നോമ്പിലും പങ്കെടുക്കുന്ന പാരമ്പര്യമുണ്ടായിരുന്നു.

മുന്നു നോമ്പു തിരുന്നാളിനോട് ചേർന്ന് മറ്റൊരു കഥ കേരളസഭയുടെ ചരിത്രകാരൻ ഫാ. ബർണാദ് 1916-ൽ പ്രസിദ്ധീകരിച്ച ‘മാർത്തോമാ ക്രിസ്‌ത്യാനികൾ’ എന്ന സഭാ ചരിത്രത്തിൽ രേഖപ്പെടുത്തിയിട്ടുണ്ട്. പോർച്ചുഗീസുകാരുടെ വരവിന് മുമ്പുവരെ കേരളത്തിലെ ക്ഷേത്രങ്ങളുടേയും ദൈവാലയങ്ങളുടെയും ശില്‌പശൈലിയും രൂപഘടനയും ഏതാണ്ട് ഒന്നു തന്നെയായിരുന്നു. മൂന്നുനോമ്പു തിരുന്നാളിന് തെക്കൻ പ്രദേശത്തുനിന്നു പുറുപ്പെട്ട ഒരു ക്രൈസ്‌തവൻ വഴിതെറ്റി ദൈവാലയമാണെന്നു കരുതി ഏറ്റുമാനൂർ ക്ഷേത്രത്തിൽ കയറുവാൻ ഇടയായി. തീണ്ടലും തൊടീലും നിലനിന്നിരുന്ന അക്കാലത്ത് ക്ഷേത്രം അശുദ്ധമാക്കി എന്നാരോപിച്ച് ക്ഷേത്രാധികാരികൾ അദ്ദേഹത്തെ പിടിച്ച് പുലിക്കൂട്ടിലടച്ചു. ഇതറിഞ്ഞ് അവിടെയെത്തിയ കുറവിലങ്ങാട്ട് ഇടവക ജനങ്ങൾ കൂടുപൊളിച്ച് തീർത്ഥാടകനെ രക്ഷിച്ച് കുറവിലങ്ങാട്ടെത്തിച്ചു. പിറ്റേന്ന് ക്ഷേത്രം വക ആനയേയും കൊണ്ട് കുറേപേർ കുറവിലങ്ങാടു പള്ളിയിലെത്തി. ആനയും ആയുധധാരികളും വരുന്നതറിഞ്ഞ് വികാരിയച്ചൻ ദൈവാലയത്തിൽ കയറി കതകടച്ച് ബലിപീഠത്തിനുമുമ്പിൽ പ്രാർത്ഥനാ നിരതനായി. ആനയുമായി വന്നവർ ആനയെക്കൊണ്ട് പ്രധാന വാതിൽ കുത്തിപ്പൊളിക്കുവാൻ ശ്രമിച്ചു. വാതിലിനിടയിൽ കുരുങ്ങിപ്പോയ ആനയുടെ കൊമ്പ് വലിച്ചൂരാൻ കഴിയാതെ ആന അലറി നിലവിളിച്ചു. പള്ളിയകത്തേയ്ക്ക് നോക്കിയവർ കണ്ടത് അൾത്താരയിലേക്ക് കൈകൾ വിരിച്ച് മുട്ടിന്മേൽ നിന്ന് പ്രാർത്ഥിക്കുന്ന വികാരിയച്ചനെയാണ്. പുറത്തുനിന്നവരുടെ അഭ്യർത്ഥന മാനിച്ച് പള്ളിയകത്ത് നിന്ന് അച്ചൻ പുറത്തെത്തി പ്രാർത്ഥിച്ച് ആനയുടെ കൊമ്പിൽ തലോടുകയും കൊമ്പ് ഊരിപ്പോരുകയും ചെയ്തു എന്നാണ് പറയപ്പെടുന്നത്. അതിനുശേഷമാണ് മൂന്നുനോമ്പു തിരുന്നാളിൻ്റെ പ്രധാന ദിവസമായ ചൊവ്വാഴ്ചത്തെ പ്രദക്ഷിണത്തോടൊപ്പം ആനകളെ എഴുന്നള്ളിച്ചു തുടങ്ങിയത്. മൂന്നു നോമ്പു തിരുന്നാളിലെ നേർച്ചകളിലൊന്നാണ് ആനവായിൽ ചക്കര.

പരിശുദ്ധ ദൈവമാതാവ് പ്രത്യക്ഷപ്പെട്ട് സ്ഥാന നിർണ്ണയം നടത്തിയ ദൈവാലയം, പതിമൂന്ന് നൂറ്റാണ്ട് കാലം സഭയ്ക്ക് നേതൃത്വം നൽകിയ അർക്കദിയാക്കോന്മാരുടെ തറവാടും ഭരണകേന്ദ്രവും, പ്രഥമ തദ്ദേശീയ മെത്രാൻ പറമ്പിൽ ചാണ്ടി മെത്രാൻ ആസ്ഥാനം, പൊന്തിഫിക്കൽ അധികാരങ്ങളോടുകൂടിയ വികാരി ജനറാൾ നിധീരിക്കൽ മാണിക്കത്തനാർ ജനിച്ചതും വികാരിയായിരുന്നതുമായ ഇടവക, സഭാതനയരിൽ പ്രമുഖനും 477 വർഷമായി മുടങ്ങാതെ ശ്രാദ്ധം നടത്തപ്പെടുകയും ചെയ്യുന്ന പുണ്യശ്ലോകൻ പനങ്കുഴയ്ക്കൽ വല്യച്ചൻ്റെ ജന്മനാട്, സീറോ മലബാർ സഭയിലെ മേജർ ആർക്ക് എപ്പിസ്കോപ്പൽ ആർച്ച് ഡീക്കൻ ദൈവാലയം എന്നീ സവിശേഷതകളാൽ കുറവിലങ്ങാടും കുറവിലങ്ങാട് പള്ളിയും ഇന്ന് ഇൻഡ്യയിലെ അറിയപ്പെടുന്ന ഒരു പ്രമുഖ തീർത്ഥാടന കേന്ദ്രമായി മാറിയിരിക്കുന്നു. “മാർത്തോമ്മാ നസ്രാണിമക്കളുടെ ജറുസലേം’ എന്നാണ് കുറവിലങ്ങാടിനെപ്പറ്റി പറയപ്പെടുന്നത്.

കുറവിലങ്ങാട് പള്ളിയിലെ ഏറ്റവും പ്രധാന പെരുന്നാളായ മൂന്നു നോമ്പ് പെരുന്നാളിനോടനുബന്ധിച്ച് നടത്തിപ്പോരുന്ന കപ്പൽ പ്രദക്ഷിണം ലോകപ്രസിദ്ധമാണ്. ദൈവത്തിന്റെ വാക്ക് ധിക്കരിച്ചുള്ള യോനാ പ്രവാചകൻ്റെ കപ്പൽ യാത്രയും, കടൽക്ഷോഭവും തുടർന്ന് യോനായെ കടലിൽ എറിയുന്നതും കടൽ ശാന്തമാകുന്നതുമാണ് കപ്പൽ പ്രദക്ഷിണത്തിൽ ദൃശ്യവൽക്കരിക്കുന്നത്. കടലിലെറിയപ്പെട്ട യോനാനെ ഒരു തിമിംഗലം വിഴുങ്ങുകയും മൂന്നു രാവും മൂന്നു പകലും അദ്ദേഹം മത്സ്യത്തിൻ്റെ ഉദരത്തിൽ കിടന്ന് അനുതാപപൂർവ്വം പ്രാർത്ഥിക്കുകയും അടുത്ത ദിവസം ദൈവഹിതംപോലെ യോനായെ കടൽക്കരയിൽ ഛർദ്ദിക്കുകയും ചെയ്തു. യോനാൻ്റെ ആ മൂന്നു ദിവസത്തെ നോമ്പിന്റെയും, അനുതാപത്തിന്റെയും, പ്രാർത്ഥനയുടെയും ഓർമ്മ ആചരിക്കലാണ് മൂന്നു നോമ്പു തിരുന്നാൾ. വലിയ നോമ്പിന് 18 ദിവസം മുമ്പുള്ള തിങ്കൾ, ചൊവ്വ, ബുധൻ ദിവസങ്ങളിലാണ് മൂന്നു നോമ്പ് തിരുന്നാൾ. പണ്ടുകാലത്ത് ദൂരെ സ്ഥലങ്ങളിൽനിന്നും വരുന്നവർ മൂന്നു ദിവസം കുടിൽ കെട്ടി ദൈവാലയത്തിനു ചുറ്റും താമസിച്ച് തിരുന്നാളിലും നോമ്പിലും പങ്കെടുക്കുന്ന പാരമ്പര്യമുണ്ടായിരുന്നു.

മുന്നു നോമ്പു തിരുന്നാളിനോട് ചേർന്ന് മറ്റൊരു കഥ കേരളസഭയുടെ ചരിത്രകാരൻ ഫാ. ബർണാദ് 1916-ൽ പ്രസിദ്ധീകരിച്ച ‘മാർത്തോമാ ക്രിസ്‌ത്യാനികൾ’ എന്ന സഭാ ചരിത്രത്തിൽ രേഖപ്പെടുത്തിയിട്ടുണ്ട്. പോർച്ചുഗീസുകാരുടെ വരവിന് മുമ്പുവരെ കേരളത്തിലെ ക്ഷേത്രങ്ങളുടേയും ദൈവാലയങ്ങളുടെയും ശില്‌പശൈലിയും രൂപഘടനയും ഏതാണ്ട് ഒന്നു തന്നെയായിരുന്നു. മൂന്നുനോമ്പു തിരുന്നാളിന് തെക്കൻ പ്രദേശത്തുനിന്നു പുറുപ്പെട്ട ഒരു ക്രൈസ്‌തവൻ വഴിതെറ്റി ദൈവാലയമാണെന്നു കരുതി ഏറ്റുമാനൂർ ക്ഷേത്രത്തിൽ കയറുവാൻ ഇടയായി. തീണ്ടലും തൊടീലും നിലനിന്നിരുന്ന അക്കാലത്ത് ക്ഷേത്രം അശുദ്ധമാക്കി എന്നാരോപിച്ച് ക്ഷേത്രാധികാരികൾ അദ്ദേഹത്തെ പിടിച്ച് പുലിക്കൂട്ടിലടച്ചു. ഇതറിഞ്ഞ് അവിടെയെത്തിയ കുറവിലങ്ങാട്ട് ഇടവക ജനങ്ങൾ കൂടുപൊളിച്ച് തീർത്ഥാടകനെ രക്ഷിച്ച് കുറവിലങ്ങാട്ടെത്തിച്ചു. പിറ്റേന്ന് ക്ഷേത്രം വക ആനയേയും കൊണ്ട് കുറേപേർ കുറവിലങ്ങാടു പള്ളിയിലെത്തി. ആനയും ആയുധധാരികളും വരുന്നതറിഞ്ഞ് വികാരിയച്ചൻ ദൈവാലയത്തിൽ കയറി കതകടച്ച് ബലിപീഠത്തിനുമുമ്പിൽ പ്രാർത്ഥനാ നിരതനായി. ആനയുമായി വന്നവർ ആനയെക്കൊണ്ട് പ്രധാന വാതിൽ കുത്തിപ്പൊളിക്കുവാൻ ശ്രമിച്ചു. വാതിലിനിടയിൽ കുരുങ്ങിപ്പോയ ആനയുടെ കൊമ്പ് വലിച്ചൂരാൻ കഴിയാതെ ആന അലറി നിലവിളിച്ചു. പള്ളിയകത്തേയ്ക്ക് നോക്കിയവർ കണ്ടത് അൾത്താരയിലേക്ക് കൈകൾ വിരിച്ച് മുട്ടിന്മേൽ നിന്ന് പ്രാർത്ഥിക്കുന്ന വികാരിയച്ചനെയാണ്. പുറത്തുനിന്നവരുടെ അഭ്യർത്ഥന മാനിച്ച് പള്ളിയകത്ത് നിന്ന് അച്ചൻ പുറത്തെത്തി പ്രാർത്ഥിച്ച് ആനയുടെ കൊമ്പിൽ തലോടുകയും കൊമ്പ് ഊരിപ്പോരുകയും ചെയ്തു എന്നാണ് പറയപ്പെടുന്നത്. അതിനുശേഷമാണ് മൂന്നുനോമ്പു തിരുന്നാളിൻ്റെ പ്രധാന ദിവസമായ ചൊവ്വാഴ്ചത്തെ പ്രദക്ഷിണത്തോടൊപ്പം ആനകളെ എഴുന്നള്ളിച്ചു തുടങ്ങിയത്. മൂന്നു നോമ്പു തിരുന്നാളിലെ നേർച്ചകളിലൊന്നാണ് ആനവായിൽ ചക്കര.